كلما قرأت موضوعا تحليليا يتناول امر المفاوضات من حيث الايجابيات او السلبيات وبغض النظر عن انتماء قلم الكاتب في اي من المواضيع التي اقرأها في هذا الموضوع يتبادر الى ذهني سؤال واحد لا غير الا وهو ” ما هو البديل المطروح امام القياده الفلسطينية ولم تعمل به ؟؟ طبعا هنالك اجوبة وحلول انشائية واستعراضية .. كمن يقول الوحده الفلسطينيه الداخليه ؟؟ صحيح ان الوحده هامه ولكن لنفترض اننا متحدين ماذا سيتغير على الصعيد السياسي ؟؟ لا شيء .. هنالك من سيقول المقاومة .. الم نجرب المقاومة .. وهل حقيقة حصدنا مرادنا من انتفاضات متتاليه خلفت من المعتقلين والمعاقين والشهداء اكثر مما حصدنا من ايجابيات بمئات المرات .. اخيرا انا اجد ان القياده الفلسطينيه تعي ما تفعل وهي مدركه لما بين ايديها من اوراق وتديرها ضمن الممكن والمعقول لذا فانني اجد ان الدور الواجـب عمله هـو الوقوف خلف هذه القيادة لدعمهـا فيمـا تعمل

يا ابن عمي مين فينا ما بيدعي ليل ونهار حتى يعود لم شمل الوطن ، ونرجع تحت رايتنا نوقف مع بعض .. بس اللي انا قصدتوا انو في هالظروف العالمية اللي احنا فيها انا شايفلك العالم كلو واقف مع الاحتلال اليوم لانو الانقسام موجود فذريعه العالم انو قيادتنا مش صاحبة قرار بغزة بسبب الانقسام .. بس انا اللي بقوله على الرغم من انو هذا الانقسام يزيدنا حزن الا انه لو ما كان في انقسام لكانوا شافولهم حجه تانيه يتمعذرو فيها واحنا يا ابن عمي لا حول لنا ولا قوة .. لا قادرين عليهم بمقاومه ولا قادرين عليهم بمفاوضات بس الفرق انو بالمفاوضات بنبطل نشوف ال اف 16 تقصف .. بدنا نعيش يا معلم

والله يا اخوي يا ابو اليزن انك بتحكي جواهر .. ثمك بنقط عسل .. بس يا خوي مثل ما انا واياك بنعرف هالمليار عربي ثلاث رباعهم اذا مش كلهم الهم خاطر يصيرو زباين عند رامي ليفي .. بيقولولك الكولا تبعتهم فيها صودا اكثر .. واذا فتحتها بضلها اسبوع كأنها مش مفتوحه .. والا التبوزينا يا معلم شو احكيلك تا احكيلك يا ابن عمي .. قال امة عربية قال .. خليها على الله هو خلق هالبلاد والعباد وهو اولى فيهم اللي بيعنيني انا من كل هالقصه اني ما اشوف ال ف 16 بتقصف والله ما عاد فيهن حيل ركبي يا ابن العم